नेकपाकी सासंसले भनिन स्वस्थानी व्रत कथाका पानाहरू च्याउनुर्छ

श्री स्वस्थानी व्रत नेपाली महिलाहरूले गर्ने कठीन व्रतको पर्व हो । यो पर्व पुष शुक्ल पूर्णिमादेखि माघ शुक्ल पूर्णिमा सम्म एक महिना चल्दछ । यो व्रतमा भगवान शिवको पूजा आराधना गरिन्छ । सत्य युगमा भगवान विष्णुको सल्लाह अनुसार हिमालयकी पुत्री पार्वतीले महादेव पति पाउन श्री स्वस्थानी व्रत बसेको र चिताएको पुरा भएको विश्वासमा श्री स्वस्थानी व्रतकथा र माघ स्नानको प्रचलन रहेको विश्वास गरिन्छ । विशेष गरि महिलाहरू मात्र व्रतालु हुने यो व्रत बस्नाले ब्रताकथामा बर्णन गरिए जस्तै सुख, शान्ति, समृद्धि मिल्नुका साथै रोगब्याध पनि नष्ट हुने विश्वास गरिन्छ । व्रतका प्रभावले शिव पार्वतीको विवाह भएको कुरा पौराणिक धर्म ग्रन्थहरुमा पनि चर्चा भएका कारण परम्परागत रुपमा उक्त व्रतकथा प्रचलित हुँदै आएको भनाइ छ ।

मंगलबार प्रतिनिधि सभा बैठकको शून्य समयमा सांसद यशोदा सुवेदी गुरुङले  छाउपडी जस्तो संस्कारलाई मजबुद पार्ने स्वस्थानी व्रत कथा र ऋषिपञ्चमी व्रत कथाका पानाहरू च्याउनुपर्ने भनेर माग गर्नुभएको छ । उहाँले भन्नुभयो, ‘छाउजस्ता परम्परा र संस्कृतिलाई मजबुत पार्ने स्वस्थानी ब्रत कथा र ऋषी पञ्चमी ब्रत कथाका पाना च्यात्न सकोस्’ भन्नुभएर ‘सम्माननीय सभामुखज्यूमार्फत म यसतर्फ ध्यानाकर्षण गराउन चाहन्छु।’

उहाँले सरकारले सुरूवात गरेको छाउगोठ भत्काउने अभियान स्वागतयोग्य रहेको बताउनुभयो । ‘सदियौंदेखि महिलालाई जगडेर राखेको यो कुरीतिलाई हटाउन केबल बारीमा भएको छाउगोठ मात्र भत्काएर हुँदैन। मान्छेको मन मस्तिकबाट छाउगोठ भत्काउनुपर्छ,’ भनेर ध्यानकार्षण गर्नुभएको थियो । यस्तो कुरीति हटाउन देशको हरेक क्षेत्रबाट सबैको उतिकै खाँचो रहेको छ भनेर बताउनु भयो ।  के गाउँ, के सहर, के पश्चिम, के पूर्व कुनै न कुनै रुपमा छाउ भत्काउन सरकार लगायत सबै नागरिकको खाँचो रहेको भन्दै सरकारको ध्यानाकर्षण गर्नुभयो । यसको साथै स्वस्थानी र ऋषी पञ्चमी ब्रत कथाले छाउ प्रथालाई मजबुद बनाइराखेको छ भन्ने कुरा उल्लेख गर्नु भयो । मान्छेका मन मस्तिष्कबाट छाउगोठ भत्काउन सरकार, राजनीतिक दल, नागरिक समाज सबैको संयुक्त प्रयास जरुरी छ । जसले छाउसंग जोडिएर आउने धार्मिक अन्धविश्वासहरु भत्काउन सकोस् भन्नुभएको थियो ।

                यसको कारणले देश भरका हिन्दु धर्मका अनुयायीहरू उहाँको यस कुरालार्इ सामाजिक सज्जानलबाट उत्तर दिर्इ रहनु भएको छ । यसको जबाफमा अध्यक्ष थापाले सामाजिक संजाल ट्विटरमा ट्विट गर्दै भनेका छन्, ‘मनपर्दैन भने नपढनु,तदनुरुप व्यवहार नगर्नु,उदाहरण बनेर आदर्श कायम गर्नु । तर, अरुको आस्था र विश्वासमा आघात पुर्‍याउने र लाखौं जनताले पुजा/आराधना र उपासना गर्ने बिषयमा अहंकार र  उत्ताउलोपना प्रदर्शन गर्नु सांसदलाई सुहाउंदैन। स्वस्थानी लगायतका पुराणरकथा प्रतिकात्मक हुन् भन्ने नबुझ्नु अज्ञानता हो ।’।