यस बलत्कारीको कारण हिन्दु धर्म माथि आँच नपरोस् । अपारधीको धर्म हुदैन । (लेख)

यस बलत्कारीको कारण हिन्दु धर्म माथि आँच नपरोस् । अपारधीको धर्म हुदैन । 

अपराधीको कुनै पनि धर्म हुदैन किनकि उसमा कुनै मानवता हुदैन । जसमा मानवता छैन त्यसको कुनै धर्म प्रति आस्था हुदैन । जसमा कुनै आस्था छैन त्यो मानव होइन तर दानव हो ।

अर्जुन शिवाकोटी नाम गरेको बलत्कारी अपराधीको कारणले केही दिन देखि हिन्दु धर्म माथि प्रश्न उठ्न थालेको छ । धेरैले उनलाई विश्व हिन्दु महासंघको महासचिवको रुपमा चिनिएको हुनाले उनको कारणले हाम्रा हिन्दु दाजु भाई दिदि बहिनीको आस्थामाथि आँच परेको छ ।

को हो नरपशु कुख्यात अपराधी बलत्कारी अर्जुन शिवाकोटी ? 

यो व्यक्ति विश्व हिन्दु महासंघको महासचिव हुन् । उनले Making Nepal Youtube Channel पत्रकारको परिचयको रुपमा चिनि आएको थियो । उनले १२ र १३ बर्षका कलिला नानिहरुलाई विगत १४ महिना देखि यौन शोषण गर्दै आइरहेको थियो । यस कुरा जनता जान्न चाहान्छ भन्ने कार्यक्रमबाट बाहिर ल्याइएको थियो ।

मेरो व्यक्तिगत विचार अनसुार अपराधीको कुनै धर्म नै हुदैन । हो, त्यो व्यक्ति हिन्दु धर्मसँग सम्बन्धीत भएता पनि उनको कारणले पुरै हिन्दु धर्म नै खराब हो भन्न मिल्दैन । उसले गरेको नरपशु झै व्यवहारको कारण कसैको आस्थामाथि चोट पुराउने काम नहोस् ।

म हिन्दु होइन, मलाई हिन्दु धर्म प्रति आस्था पनि राख्दिन तर यसको मतलब यो होइन कि म अरुको आस्थामाथि प्रहार गर्दछु । यदि खराब छ भने त्यस विषयमा केही समय देखि लेखि रहेको छु तर पनि यो मुद्दामा हिन्दु धर्मको कुनै पनि दोष छैन ।

यो त नरपशु जस्तै सोच भएको निच व्यक्तिको सोच र व्यवहार हो । कुनै पनि व्यक्तिले गलत काम गर्दछ भने त्यसको अर्थ यो हुदैन कि यसको धर्म र आस्थाले त्यही कुरा सिकाउँछ । हरेक धर्मको आफ्नै प्रकारको नियम हुन्छ तर त्यसलाई पालना गर्ने वा नगर्ने स्वतन्त्र इच्छा उसमा हुन्छ । यसमा कुनै पनि धर्म, आस्था वा विश्वासको दोष हुदैन । किनकि हरेक विश्वास, धर्म र आस्थामा स्वतन्त्र इच्छा दिइएको छ । हिन्दु धर्म प्रति कोध नगरौँ ।

यसैले यस्ता कुख्यात अपराधी अर्जुन शिवाकोटीलाई हिन्दु धर्म सँग नजोडिदियोस् । यस व्यक्तिले गरेर कुनै हिन्दु धर्ममाथि विश्वास राख्ने व्यक्तिहरुमाथि आँच नआओस् । अर्जुन भन्ने व्यक्ति नरपशु भएता पनि हिन्दु धर्म प्रति आस्था राख्ने व्यक्तिहरुलाई दोष नलगाईयोस् ।

यस्ता नरपशुलाई, बलत्कारीलाई धर्म सँग जोड्नु नै धर्मको निन्दाको कुराको हो । यस्ता व्यक्तिलाई धर्म सँग नजोडियोस् । यस्तालाई मानवता हराएको कुख्यात अपराधीको रुपमा हामीले चिन्नु पर्छ कुनै धर्म सँग सम्बन्धीत भएर होइन ।

          मैले यहाँ लेख्दै गर्दा कसैको धर्मलाई सर्मथन गरेको होइन तर मैले यहाँ भन्न र लेख्न खोजेको कुरा यहि हो कि अपराधीको कुनै धर्म, आस्था, विश्वास सँग जोडिएको हुदैन । किनकि तिनीहरु मानव होइन तर मानवको रुपमा दानव र नरपशु हो ।

यो अपराधी हो त्यो भन्दा बढी केही होइन । भोलीको दिनमा उनलाई कस्तो कारवाही हुन्छ या हुदैन थाहा छैन तर उ अपराधी भन्दा माथि कहिल्यै पनि माथि उठ्न सक्दैन ।

त्यस कार्यक्रममा हेर्दा मलाई एउटा कुरा चाहिँ स्पष्ट रुपमा बुझे कि जनतामा अझै राज्यको कानुन माथि विश्वास छ । नेपालमा अझै न्याय मरेको छैन, अझै पनि जनतामा आशा छ कि मलाई यो सरकारले न्याय दिन्छ । म यस लेखबाट यहि भन्न चाहान्छु , जनतामा भएको यो आशालाई निराशमा परिवर्तन नगरि दिनुहोस् । हामी न्याय मरेको देशमा पनि झिनो आशा सहित बाचि रहेका छौँ बिन्ती यो आशालाई पनि मार्नु भयो भने पछिको पुस्ताले एक रत्ती भर पनि विश्वास गर्ने छैन । परपशु अपराधीलाई हदै सम्म कारबाही होस् ।

थप जानकारीको लागि तलकाे भिडियो हेर्न सक्नु हुन्छ ।