रामघाट मण्डली, पोखरा,को संक्षिप्त इतिहास ।

            रामघाट मण्डली, पोखरा (स्थापना सन्१९५२)

परिचयः

          २००७ सालको प्रजातान्त्रिक स्वतन्त्रता पछि नेपालमा ईशाईहरुले मण्डली स्थपनाका कार्यलाई प्राथमिकतामा रोखेको पाइन्छ । राम घाट मण्डली जसको स्थानपा पा. डेविट र प्रेमि मुखियाले आफ्नो बलिदानी पूर्ण सेवाकाईको क्रमममा स्थापना गरे । तत्कालिन समयमा सुसमाचार सुनाउनु र गवाही प्रचार गर्नु सहज वातावरण थिएन तर पनि डेविटले जेल नेल, दवाबलाई सहदै मुक्तिको सन्देशलाई नेपाली सिमानाबाट पोखरा सम्मै आएर मण्डली स्थापना गर्ने कार्य वास्तविय मानविय दंगबाट सहज चाहिँ थिएन । तर यो सबै परमेश्वरको अनुग्रहमा सम्भव भयो ।

         

बि.सं.१०१७ साल भन्दा अगाडी प्रभु येशूका नाम सुन्दै नसुनेका पोखरा बासीहरुले एका एक सुसमाचार सुन्नु र ग्रहन गर्नु सहज थिएन । त्यो बेलाको समयमा सुसमाचार सुनाउन केवल बिहान बेलुका लुकि छिपी घर घरमा जानु पर्दथ्यो । त्यहाँका मानिसहरु ईशाईहरुको रहन सहन आनी बाणी देखि छक्क पर्दथे । पोखरा बजार भन्दा बाहिर पनि सुसमाचार प्रचार हुन्थ्यो । सुसमाचार सँग सँगै मुक्तिका भजनहरु, गीतहरु सुन्न पाउदा गाउँलेहरु पनि स्वादिला भोजना जुटाइदिन्थे । त्यस समयमा गाउँ घरमा स्वथ्य सम्बिन्धी शिक्षा दिदै बिरामीहरुलाई उपचार गर्दै सुसमाचार सुनाउने काम हुन्थ्यो । कहिले काहीँ ग्रामो फोन बजाएर, गाउँमा कटुवाल धोकाएर, तिजमा ढुङ्गे साधुमा गीत गाएर र बिकट क्षेत्रमा परमेश्वरको बचन बाड्ने काम गर्दथे । त्यस बेलाका मानिसहरुमा खुल्ला हृदय भएकाले सेवा सँगती गरेको देख्दा हाम्रो घरमा आएर गीत गाइदिनुस न भन्थे ।

         

यसरी प्रभुको अगुवाईमा आएको जिम्मेबारीलाई हृदयबाटै महसुस गरी सुसमाचार प्रचारको काम तिब्र रुपमा भई रहदा परमेश्वरले आत्माहरु पनि थपिदिनु भयो । यसै क्रममा इंस्बी १९५६ नेम्बर ८ मा पहिलो पटक परमेश्वरले १२ जना व्यक्तिहरुलाई ख्रीष्ट येशूमा विश्वास गर्ने मन दिनुभयो । यो खबर पोखराको नयाँ गाउँका एक गुरुङ्गले सुने र बुझ्नको निम्ति आए अनि सत्य कुरा थाहा पाए आफ्नो परिवार र दाजुभाई र छिमेकिलाई सुनाउन उत्साहित भए । पाष्टर डेविट र उनकी श्रीमती हरेक दिन परमेश्वरको वचन सुनाउन नयाँ नयाँ गाउँहरुमा जान्थे । सन् १९५९ डिसेम्बर महिनामा ८ जना व्यक्तिले बप्तिस्मा लिए ।

पञ्चायत काल (३० बर्ष)

          २०१७ साल पछि पञ्चायतकालिन व्यवस्थामा मण्डली अन्धकार पूर्ण अवस्थामा गुज्रिरहेको थियो । पञ्चायति शासकहरुले धर्म परिवर्तन गर्न र गराउन नपाउने र मेसिनरीहरलाई ओहोर दोहोरमा रोक लागाउने नियम बनाए । अब परमेश्वरको बचन प्रचार गर्न धेरै बाधा र सतावटहरु आए । यो समयका प्रशासनिक कठिनाइले गर्दा विश्वासीहरू प्रहरी कार्यलयमा धाउनु पर्ने जेलमा थुनिनु पर्ने र देशै छोडेर जानु पार्ने अवस्था पनि आए । सन् १९६० मा तानसेनका केही विश्वासीहरुलाई पानीको बप्तिस्मा दिई धर्म परिवर्तन गरेको आरोपमा दुःख  दिने काम भयो । बप्तिस्मा दिनलेलाई ६ बर्षको कैद र बप्तिस्मा लिने व्यक्तिहरुलाई १ बर्षको कैद दिइयो । यसै प्रसैगंलाई जोडेर पा.डेविट मुखियालाई कैदमा ल्याउने अनुमती दिए तर पा. नेपाल छोडि भारत तर्फ जान बाध्य भए । यति मात्र नभएर नेपाली प्रहरीले मण्डलीम निरिक्षण गर्ने काम गदएथे ।

          ४६ साल पछि सुसमाचारको गतिबिधी व्यापक रुपमा फैलिदै गयो । परमेश्वरको आशिषको कारण रामाघाट देखि बाहेक अरु बिभिन्न क्षेत्रहरमा पनि सेव संगती बढ्न थाले ।

मण्डली भवनको निमार्णः

आत्मिकी उन्नति सँग सँगै भौतिक संरचनाको लागि रामघाट मण्डलीको सदस्यले दिएको देन अविस्मणीय छ । श्री बुद्धि सागर गौतमले मण्डली भवन निमार्णको लागि सित्तैमा जग्गा दिनलाई खुशी हुनु भयो । वास्तवमा उहाँले प्रभु प्रति सर्मपनता हो । वास्तवमा त्यो समयको सामजिक संरचनालाई हेर्दा एउटा ब्राह्मणले अर्कौँ धर्म मान्ने वा बिदेशी धर्म मान्ने व्यक्तिलाई अधर्मी र नियम कानुन अनुसार दण्ड सजाय भोग्नु पर्ने कानुनी व्यवस्था भएको समयमा मण्डलीको निम्ति  जग्गा दिएर जुन सहास, त्याग देखाए त्यो हाम्रो निम्ति एउटा अनुकरणीय उदाहरण हो । वास्तवमा यो मण्डलीको सुरुको संगती बासँको छाहारीमा बसेर सुरु भएको थियो । त्यसपछि सन्१९५५ मा खरको छाना र बासले बारेको एउटा कटेरोमा संगती सुरु गरे । वास्तवमा यहि बासको कटेरो नै रामघाट मण्डलीको पहिलो मण्डली थियो । त्यस पछि दोस्रो पटक आकारमा अलि ठूलो तर पहिलो कै स्वरुपमा मण्डली बनाए । त्यस पछि तेस्रो पटक मण्डली भवन जस्ता पाताले छाएर आकारमा अझै ठूलो बनाए । पा.डेविट मुखियाको बाहुलीबाट सन् १९८८ को अगस्ट १ तारिखका दिन ठिक ५ बजे मण्डल भवनको उद्घाटन भयो ।

          यस मण्डलीको स्थापना काल देखि नै पाष्टर डेविट मुखियाले मण्डली प्रशासनको काम सम्हाल्दै आएका थिए । तर अब सन् १९६० मा आएर मण्डलीमा विश्वासीहरुको संख्या बृद्धि भई सकेको कारण एउटा समिति तयार गरेर राख्ने सोच बनाए । किनभने हिजो आज जस्तो त्यो समयमा मण्डलीमा एल्डर डिकन भनेर राख्ने चलन थिएन । बष्तिस्मा लिनेहरुको नाम एउटा खातामा लेख्ने काम गरिन्थ्यो । सन् १९६१ पछि मण्डलीम आएको सतावट सँगै यो बहि खाता पनि हरायो । पा.डेविट पनि अब नेपाल ख्रीष्टिय संगती को अध्यक्ष भए तर यो पदमा रहेर काम गर्न सकेन । पाष्टर डेविट पछि पाष्टरको काम दाउद मसिहीले सन् १९६४ सम्म सम्हाल्नु भयो । त्यस पछि उनले प्रचारको काम मात्र गरे । केही समय पछि पाष्टर रोवर्ट कार्थकको बाहुलीबाट श्री देबु सिंह दहाललाई पाष्टरको अभिषेक भयो । अब बल्ल पाष्टर मात्र सबै जिम्मेवारी सम्हाल्न नसक्ने भएको कारण एउटा संचालन समितिको गठन भयो । कारण बशं सन् १९७० मा आएर देबु सिंह दाहलले पाष्टरीय पदमा नरहने निर्णय गरे । सन् १९७० मा आएर ७० बर्षको उमेरमा फेरी पा.डेविटले पाष्टरको काम गर्न सुरु गरे । लगभव २० बर्ष सम्म सक्रिय भएर पाष्टर डेविले समितीका मानिसहरुसँग मिलेर गरे । यसरी सेवाकाई गरि रहदा सन् १९७७ मा मण्डली प्रशासनले बहु अगुवापन व्यवस्थाको सुरु गरे र ३ जना व्यक्तिहरुलाई एल्डर अभिषेक गरे । र अन्त्यमा सन् १०९१ मा उनले मृत्यु भयो ।

          डेविट मुखिया संसारबाट अस्तिाएता पनि रामघाट मण्डली आज सम्म पनि एउटा इतिहास बोकेर नेपालको सबै भन्दा पहिलो मण्डलीको रुपमा चिर परिचित प्रभुको सेवामा सर्मपित छ ।

हालको मण्डलीः

परमेश्वरले नेपाल देशमा अलाैकिक तरिकारले उहाँको राज्य विस्तार गर्दै हुनुहुन्छ । सुरूको  देखी लिएर अहिले सम्म परमेश्वरले मण्डलीमा प्रसस्त अनुग्रह गर्नुभएको छ ।

अधिक जानकारीको लागीः

Name: Sangam Shrestha

Email: shresthasangam333@gmail.com

            sthasangam333@gmail.com

Phone: 9861310079

Blogger: https://sangamshresth.blogspot.com

Youtube Channel

Apologetics Faith's Channel

https://www.youtube.com/channel/UCIDdm4bXNAvWmFY4rrCzjLQ?view_as=subscriber